Қайырлы күн, құрметті қонақтар!

Сіздерді Астана қаласының туризм, дене тәрбиесі және спорт басқармасының ресми сайтында қарсы алуға қуаныштымын!

Астана – зайырлы Қазақстанның серпімді дамып келе жатқан жас астанасы. Аз уақыттың ішінде «қазақстандық кереметпен»  егіз ұғымға айналып, жаңа заманның жаңа елордасы ретінде танылған Астана бүгінде еліміздің мақтанышына, даламыздың көркіне айналып отыр. Астана – еліміздің әкімшілік және саяси орталығы ғана емес. Бұл қала ұлттық рухымызды ұйытып отырған рухани ордамыз да. Тәуелсіз, дамыған Қазақстанның қарқынды даму мен өрісті өркендеудің үлгі-өнегесі ретінде орнықты.

            Еуразияның жүрегінде орналасқан Астана Еуропа мен Азияны байланыстыратын көпірге, Солтүстік пен Оңтүстік, Шығыс пен Батыстың арасындағы келіссөз орталығына айналды. ҚР Президенті Нұрсұлтан Назарбаевтың сөзінше: «Астана барлық жолдарды тоғыстыратын орталыққа айналды. Сол себептен Астана Жаңа Қазақстанның басты саяси бренді болып табылады».

            13 жылдың ішінде елордамыз халықаралық дәрежедегі іс-шараларды талай рет өткізіп, жоғары лауазымды қонақтарға өз қонақжайлылығын көрсеткен болатын. Қаламыз шығыстың дәстүрлі қонақжайлылығы мен батыстың қызмет көрсету деңгейінің ерекше үйлесімділігімен танылып отыр. Жалпы, алуан түрлі мәдениеттердің тоғысып, салт-дәстүрлер сабақтасып жатқан Астана талай мейманды таң қалдырады. Астананың спорттық ордаға айналуы да ғажап емес. Мемлекетте өткен барлық ірі жарыстар елордамыздың үлесінде болды. Континенталды біріншіліктер, 7-ші қысқы Азия ойындары, халықаралық жарыстар, чемпионаттар мен әлем Кубоктары. Тек осы жылы ғана Астана ең жоғарғы деңгейде 580 спорттық іс-шараны өткізді. Оларға 200-ден адам қатысқан болатын. Басқарманың ресми web-сайты оның қонақтарына тиімді бағдарлама алуына және Астанамыздың өміріне белсене  қатыса алуына, соңғы спорт жаңалықтарын бірінші болып оқуына, біздің спортшылардың республикалық және Халықаралық спорт ареналарындағы жетістіктерімен, Астана қаласының туризм, дене тәрбиесі және спорт Басқармасының қызметімен танысуына көмектеседі деп үміттенемін.

            Сайт қонақтары қалада болып жатқан жарыс күнтізбесімен, сонымен қатар біздің спортшылардың қаладан тыс өтіп жатқан жарыстар туралы мәліметтермен таныса алады. Сонымен қатар, елордамызға алғаш рет келген қонақтарға пайдалы ақпараттардың бәрі – сайттың ішінде.  

            Ресми сайтымен Туризм, дене тәрбиесі және спорт Басқармасының қызметі жөніндегі ақпарат қала тұрғындары мен Астана қонақтарына одан да ашық және қол жетерліктей болатынына сенімдімін.

            Біздің сайтқа қош келдіңіз!

Астана қаласының Туризм, дене тәрбиесі және спорт Басқармасының бастығы Қорғамбаев Айталап Қалабайұлы